Venus hnehtu Maria

Kum upa pahnih inkhelah Tatjana Maria chuan Venus Williams chu 6-4 6-3 in Thawhlehni khan a hneh. Hobart International-a inkhel pahnih hi kum 38 mi Maria leh kum 45 mi Venus inkhel hi WTA chanchina intum zingah an kum belhkhawm tam ber (83)a ni hial.

German player Tatjana chuan "Match khelh harsa tak a ni. Mi zawng zawnhin Venus hi an ngaina a, ka fate ngei pawhin an ngaina a, ka khelpui dawn tih an hriat khan an phur hle. Chuvangin mi zawng zawng duh rawn khelhpuii chu a harsa em em a ni.

Venus ka khelhpui thei hi ka lawm em em a, ka la hmachhawn ngai loh avangin ka tan chuan chhinchhiah tlak a ni," tiin Venus a hmachhawn thei chu harsa a tih rualin lawmawm a tih thu a sawi.

Venus Williams hian 1994 khan a tennis zinkawng zawh ṭanin a hlawhtling hle a, Grand Slam single-ah title vawi sarih lain 2000 Olympic-ah khan gold medal a la bawk. A unaunu Serena nen doubles-ah grand Slam title 14 la dunin Olympi-ah gold vawi thum an la dun bawk. Venus hian Australian Open khelh turah wildcard a dawng a, inelna hi January 18, Pathianni hian ṭan a ni ang.