New Zealand-in India an hneh let

New Zealand chuan ODI match hnihnaah India wicket sarihin an hneh let a, January 18, Pathianni hian Holkar Stadium, Indore-ah series la tur an zawng ang.

Nilaini khan Rajkot-ah match hnihna hi khelh a ni a, New Zealand-in vawm hmasak an thlang. Hming langsar pathum Rohit Sharma (24), captain Shubman Gill (56) leh Virat Kohli (23) ten chakpui tham runs an vaw chhuak lo a, KL Rahul-a'n thi loa 112 runs a siam zarah chak beiseina tlem an nei thung.

India hian over 50-ah 284/7 runs an siam a, New Zealand lamin harsatna nei loin target an umpha. Black Caps hian wicket an hloh tlem avangin a tawp lamah risk an la thei a, an chakna kawngah Daryl Mitchell (131*), Will Young (87) leh Glenn Phillips (32) te zarah over 47.3-ah 286.3 runs siamin wicket sarihin hnehna an chang.