Paqueta-a'n Hammers chhuahsan duh

West Ham United-ah midfielder Lucas Paqueta a hlim lo a, January transfer lai ngeia Hammers chhuahsana an ram Brazil league pan a duh niin khawthlang media-ten an sawi.

Brazilian midfielder Paqueta-a'n an ram league inkhelh a duh thu a sawi veleh Brazilian club pahnih lo lang nghalin, Flamengo chuan thawm an nei lian hle. Paqueta manah pound maktaduai 35 thehchhuah an inhuam.

Hetih lai hian West Ham hi league-ah relegation battle-ah an tel mek avangin an player pawimawh Paqueta chhuah an phal lo. Chutihrualin Paqueta berin chhuah a duh tlat avangin Flamengo hnena hralh a, season tawp thleng loan-a lak nghal an tum.

March thlaah chauh Brazilian top flight league ṭan a ni dawn a, West Ham hi league-ah 18-naah awmin a him china awm Nottingham Forest chu point sarihin an phak lo. Nuno Espírito Santo hote hian zanin dar 8:30 hian Tottenham Hotspur an tum dawn a, hnehna an chang a nih pawhin relegation zone an la chhuahsan thei lo ang.