Serie A hmahruaitu Inter inlan zan

Zanin Serie A inkhel turah table hmahruaitu Inter Milan an inlan dawn a, Inter hian zanin dar 7:30-ah Udinese chu an tlawh dawn a ni. Inter hian anmahni hnaih bertu an hmelma club AC Milan nen an inthlauhna tihzau an duh chuan an chak ngei a ngai.

Inter tan Josep Martinez leh Denzel Dumfries te chu inhliam avanga khel lo tur chiang sa an ni a, anni bakah hian kar hmasaa Napoli nen an in khelh ṭuma inhliam Hakan Calhanoglu dinhmun a chiang lo. Calhanoglu awm lo mah se Piotr Zielinski leh Nicolo Barella te awm avangin Inter tan hlauhthawnna tur a awm lo.

Tlarhma lamah top scorer ni lai Lautaro Martinez chu an innghahna a ni leh dawn a, Argentine forward Martinez hian tun season Serie A-ah goal 10 a khung tawh. Marcus Thuram chu a inhliam hnuah lo kir leh tawh mah se beisei a phak loh avangin a aiah match hmasa lama khel ṭha tak Ange-Yoan Bonny emaw Pio Esposito chu Martinez nen an inkawp a rinawm.

Club lian zingah Napoli leh Juventus te chu zanina inkhel tur an ni a, AS Roma chuan Pathianni zanahn Torino an mikhual dawn bawk. AC Milan chuan Pathianni zan dar 1:15-ah Leece an mikhual dawn bawk a, Milan hian Ningani zan khan Cesc Fabregas-a enkawl Como chu 3-1 in an hneh.