Windies-in India an hneh let

Pathianni zan khan Trivandrum-ah West Indies chuan wicket riatin India an hneh a, T20 khelh mekah 1-1 in an inhnehtawk. December 11, Nilaini zan dar 7:00 hian Wankhede Stadium, Mumbai-ah series la tur an zawng dawn.

Ṭhum vawrah West Indies an vannei a, vawm hmasak an thlang. India tan captain Virat Kohli-a'n run 19 chauh a siam a, run vaw chhuak hnem ber Shivam Dube-a'n run 54 siam mah se Men in Blue hian over 20-ah 170/7 chauh an siam.

Windies tan opener Lendl Simmons-a'n thi loin run 67 a siam a, ball 45 chauh a mamawh bakah batsman dang Evin Lewis (40), Shimron Hetmyer (23) leh Nicholas Pooran (38*) ten an thlawp ṭhat avangin over 18.3-ah run 173/2 siamin hnehna an chang.