Kum li atan Russia an hrem

World Anti-Doping Agency (WADA) chuan nimin tlai khan Russia chungchanga an thutlukna an puang a, damdawi hman phal loh hman vanga buai ram hi kum li chhung atan an hrem chhunzawm.

Russia hian an ram sorkar hriatpuina ngeiin an infiammite chu dan a bawhchhiatpui a, a hnua endikna an hmachhawn pawhin an endikna tur a thil hmuhchhuah ṭhenkhat chu an paih bakah an tichhe bawk.

Hrem an nih avangin Tokyo 2020 Olympic leh 2022 World Cup-ah te an ram aiawhin an tel thei dawn lo tihna a ni. Infiammi dan leh hrai zawm ṭha leh fihlimte chu neutral athlete ni chungin an inlan thei thung dawn a ni.

Nikum Winter Olympic-ah pawh khan Russian infiammi 168 zet chu neutral flag hnuaiah an lo inlan tawh a ni.