Lakers chakna Davis

Anthony Davis chuan NBA season kal laia point a neih hnem ber ṭum a tawng a, point 50 ngawt neiin Los Angeles Lakers chu Minnesota Timberwolves lakah 142-125 in hnehna a chanpui.

Davis hian free throw vawi 10 a hmuh chu a lut vek a, player ropui LeBron James leh Kobe Bryant te hnung zuiin Lakers player zingah match khata point 50 nei tling thei pathumna a ni nghal bawk. Lakers coach Frank Vogel chuan, "Tun hma lama mi ropui bikte huanga tel ve turin a ṭha tawk," a ti. Davis bakah hian James chuan point 32 a nei a, assist vawi 13 nei bawkin a thawhhlawk leh hle.

Lakers hian Timberwolves hmain Portland Traiblazers 136-113 in an hneh. Hemi ṭum hian Davis leh James ten point 39 leh 31 an nei tawh a, season kal laia player inkawp fuh berte zinga mi an ni. Inkhel dangah Dallas Mavericks chu Sacramento Kings lakah 110-106 in an chak lo. Dallas hi chak lo mah se Luka Doncic chuan record duhawm tak a siam, Slovenian player hian point 27 a neih bakah rebound vawi sarih lain assist vawi riat a nei bawk.

Tun hnai a match 19 chhung chu Donic hian point 20 a neih tlin ziah bakah assist leh rebound vawi nga a nei tling ziah bawk a, Chicago Bulls legend Michael Jordan-a'n match 18 chhung hetiang record a lo siam tawh chu a khum chiah.