Olympic beiseitu Bopanna

India tlangval tennis khel thiam Rohan Bopanna chuan a hliam a dam chhoh mek thu a sawi a, nakkum nipui laia neih tur Tokyo Olympic-ah ram tan fehchhuah theih ngei a inbeisei.

Tennis doubles player Bopanna hi a dar (shoulder) hliam vangin Davis Cup-ah a inlan thei lo, infiamna khawmpui lianah erawh doubles world number 46 Divij Sharan nen an inkawp theih a rinawm. World number 38 Bopanna chuan, "Tunah chuan Olympic Games atan rilru ka hmang nasa tawh hle a, tournament ṭha taka kan khelh theih nan Diviji nen hian kan tih theih sang ber chu ram tan kan hlan dawn a ni," tiin a sawi.

Olympic hi khelh ngei duh mah se awlsam taka inlan ngawt theih a ni dawn lo. Nakkum French Open khelh zawha ranking sang chin chauh an inlan phak dawn, chumi tur chuan season thar tir lamah hard court leh clay court season an hman ṭhat a ngai dawn tihna a ni.