Zverev-a'n chakin bul a ṭan

Australian Open 2026 mipa inelnaah nikum finalist Alexander Zverev-a'n a khingpui Gabriel Diallo lakah set hmasa ber hloh mah se 6-7 (7-1), 6-1, 6-4, 6-2 in hnehna an chang. German star hian Australian Open (2025), French Open (2024) leh US Open (2020) ah te final lut tawh mah se Grand Slam-ah a la champion lo.

Tun inelnaah hian Zverev hi seeded pathumna a ni a, a khingpui Canadian Diallo hi world no. 41 niin main draw-a a tel vawi hnihna chauh a ni. Diallo hi 6'8"-a sang a ni a, set hmasa berah a serve ṭha hle. Mahse, set hnuhnung pathumah Zverev-a'n a theihna a pholang.

AO-ah Zverev hi inelna zawna vawi 10 second round lut thei hmasa ber a ni a, nikum final-ah khan Jannik Sinner lakah 3-0 in an chak lo. German player hian second round-ah vawiina inkhel tur Alexei Popyrin leh Alexandre Müller te inkhela chak zawk a hmachhawn dawn.

Vawiin hian seeded no. 4 Novak Djokovic pawh a inlan dawn a, Serbia star thian Pedro Martínez a hmachhawn dawn. Seeded no. 11 Daniil Medvedev leh Jesper De Jong te an inkhel bawk ang.