Seeded no. 1 Sabalenka chak nghal

Australian Open 2026-ah nimin khan hmeichhe seeded number 1 Aryna Sabalenka chuan a match hmasa berah Rakotomanga Rajaonah 6-4, 6-1 in a hneh.

Sabalenka hi awlsam taka chak tura ngaih ni mah se wild card hmanga tel Rakotomanga Rajaonah lakah game a hloh hmasa zawk. Mahse, Sabalenka hi rawn insiamṭhain set khatna 6-4 in an la a, set hnihnaah erawh harsatna tawk tawh loin 6-1 in an chak.

Belarusian nula hian AO hma hian Brisbane International-ah a champion a, inelna hnuhnung pathumah final lut vekin vawi hnih a champion.

Nimin khan hmeichhe lamah upset hmuh tur a awm nual. Elena-Gabriela Ruse (Romania) chuan seeded no. 26 Dayana Yastremska chu 6-4, 7-5 in an hneh. Seeded no. 11 Ekaterina Alexandrova (Russia) pawh Zeynep Sönmez (Turkiye) pawhin chu 5-7, 6-4, 4-6 in an tlawm a, seeded no. 20 Marta Kostyuk (Ukraine) pawhin Elsa Jacquemot 7-6 (7-4), 6-7 (4-7), 6-7 (7-10) in a hneh lo bawk.