Glasner-a'n phatsanah a inngai

Crystal Palace-in Inrinni zanah Stadium of Light-ah Sunderland 2-1 in an hneh lo. Eagles hian Jeremy Pino hmangin khung hmasa mah se Enzo Le Fee leh Brian Brobbey te goal hmangin Black Cats-in hnehna an chang.

Inkhelh banah Oliver Glasner chuan, "Club hruaituten min phatsan hul hualah ka ngai. Inkhelh hma ni khat a la awmin kan captain min hralh sak. Hemi hma thleng kha chuan ka ṭawng chhuak lo a, tun season-ah ṭum hnih ka rilru min hliam tawh. Guehi bakah Eze kha inkhelh hma ni khat la awmin an hralh," tiin a lungawi lo hle.

Glasner chuan sawi chhunzawmin, "Crystal Palace-in Oliver Glasner hoa hetianga season tihtawp hi an pawi ti lo. Manager dang an la nih erawh chuan ka sawi theih a awm lo," tiin club-in an thlawp ṭhat loh thu a sawi.

Eagles hian season liam ta khan Glasner hoin FA Cup-ah an champion a, kuminah erawh player ṭha an hralh avangin result an nei ṭha tawk lo a, 13-naah an awm mek. Austrian manager hian a contract pawtsei loin season tawp ruala a chhuah tur thu a tichiang tawh bawk.