AC Milan chakpuitu Fullkrug

Pathianni zan Serie A inkhelah AC Milan chuan an mikhual Leece chu 1-0 in an hneh a, goal awmchhun hi West Ham aṭanga an hawh Niclas Fullkrug-a khung a ni. Milan hian table-ah an hmelma Inter Milan chauh an pha lo a, an inkarah point thum a awm.

San Siro-a inkhelah mualneitu Milan an chungnung zawk a, rei pawh an inkhleh hmain chance an siam hnem hman hle. Alexis Saelemaekers leh Samuele Ricci ten an chance neih an hmang ṭangkai thei lo a, tun season Serie A-a goal riat khung tawh Christian Pulisicpawh a vanneih zan a ni lo.

Milan an vanduai reng lo a, minute 76-naah Saelemaekers cross chu substitute aṭanga lut German forward Fullkrug-a'n mawi takin a tauh lut a, Milan chak nan a tawk. Leece keeper Wladimiro Falcone tan dan ngaihna a awm lo. Goal khat chiah khung mah se Massimiliano Allegri naute an khel ṭha a, an vanneih zan ni se goal tam zawk khung thei tur an ni.

Inkhel dangah AS Roma chuan an mikhualna ramah Torino 2-0 in an hneh a, Aston Villa aṭanga an haw Donyell Malen leh Paulo Dybala ten goal an Roma tan goal an khung. Roma hian Juventus lehpelin table-ah palinaah an chho a, point 42 hmuin Juventus aiin point thumin an sang.