Villa-in hun ṭha bawhpelh

Aston Villa-in Pathianni zan khan Everton 1-0 in an hneh lo a, pahnihnaa awm theihna hun ṭha an bawhpelh. Villa Park-ah Everton an khel ṭha a, goal awmchhun hi Thierno Barry-a'n a khung.

First half-ah Toffees-in goal ban an pet per bakah an goal khung an pawm lo. Villa pawhin chance an insiam a, Morgan Rogers a goal khung tur Jordan Pickford-a'n a dan bakah Evann Guessand-a'n crossbar a tauh per bawk.

Goal awmchhun hi minute 59-naah a lut a, Dwight McNeil ball pet chu keeper Emi Martinez-a'n a dang ṭha tawk lo. Barry-a'n ball per changin 'cool' takin a pet lut. Villa-in siphurh sut tumin na takin nawr mah se goal an khung thei tawh lo.

Villa manager Unai Emery chuan, "Chance kan insiam a, goal kan khung lo. Keini aiin chance an insiam tlem a, goal an khung thung. Tuna kan khelh ang chuan a sang paliah kan awm lo ang," tiin a sawi.