James leh Doncic-a'n Lakers chakpui

Nimin zing NBA game khelhah Los Angeles Lakers chuan Toronto Raptors 110-93 in an hneh a, Western Conference table-ah parukna dinhmun an hauh mek.

Lakers tan Deandre Ayton chuan points 25 leh rebound 13 neiin a langsar hle. Kum 27 mi Ayton bakah hian Luka Doncic chuan point 25 leh assist vawi sarih a nei a, Lebron James chuan point 24 leh assist vawi sarih a nei ve bawk. Kum 41 mi James hi a kum tam ve deuh tawh mah se a team tan a la ṭangkaiin a la thawhhlawk hle.

Lakers hian January 21, Nilaini hian Denver Nuggets nen an inhmachhawn lehnghal dawn a, Lebron James hoin Lakers-in Nikola Jokic telna Nuggets hneh an tum leh dawn a, inkhel hmuhnawm kan hmuh a rinawm.