Brighton leh Bournemouth inhnehtawk

Thawhṭanni zan Premier League inkhelah Brighton & Hove Albion-in Bournemouth an mikhual a, 1-1 in an inhnehtawk. Cherries tan Marcus Tavernier-a'n minute 32-naah penalty aṭangin goal hmahruai a khung a, mualneitu lamin injury time-ah substitute Charalampos Kostoulas-a'n bicyle kick hmangin siphurh a sut.

Brighton hian point 30 hmuin 12-naah an awm a, Bournemouth hi point 27 hmuin 15-naah an awm. Cherries leh relegation zone inkarah Leeds United leh Nottingham Forest chauh awm mah se tla thei dinhmuna awm chin West Ham aia point 10-a an hmuh tam avangin Andoni Iraola hote dinhmun a derthawng hran lo.

Bournemouth hian nipui bazarah Dean Huijsen (£50mtd), Milos Kerkez (£40mtd), Illia Zabarnyi (£54.5 mtd), Dango Ouattara (£42.5) leh Jaidon Anthony (£8mtd) te an hralh a, thlasik bazarah Antoine Semenyo (£64mtd) an hralh leh bawk. Season liam taa pakuana Cherries hian tun season-ah top 10-ah an inhlangkai thei lo a nih pawhin manager Andoni Iraola dem theih a ni lo ang.