Australian Open-ah Indonesian nula a chak

Australian Open hmeichhe singles first round-ah Janice Tjen chuan nimin khan seeded no. 22 Leylah Fernandez chu 6-3, 7-6 (7-1) in an hneh a, Yabuk Basuki hnua Indonesian zinga AO first round-a hnehna chang leh thei hmasa ber a ni.

Kum 1998 khan Indonesian nula Yabuk Basuki chuan fourth round a thleng a, world ranking-ah pawh 19-na a ni pha hial. Basuki hnua Indoenisa 'hero' thar chu Janice Tjen hi a ni.

Tjen hian Fernandes lakah hian first set a thunun a, set khatna la turin minute 36 lek a mamawh. Second set-ah erawh hnehna chang turin tie break a mamawh a, tie break-ah hian rilru fim puin hnehna a chang.

Kum Tjen hian January 22, Ningani hian second round-ah world no. 1 hlui Karolína Plíškova a hmachhawn dawn a, hmabak a hautak dawn hle.

Doubles inelnaah pawh Tjen hi a inziak lut a, Polish mi Katarzyna Piter nen inkawpin vawiin hian Daria Kasatkina leh Arina Rodionova te inkawp an hmachhawn ang. Kar liam ta mai khan WTA 250 Hobart-ah Tjen leh Piter te inkawp hian nomawi an chawi a, inrintawkna an nei lian khawp ang.