Indian thisen kai Basavareddy a chak

Australian Open singles-ah India mi tel lo mah se Indian thisen kai Nishesh Basavareddy a tel. Kum 20 mi Basavareddy hia nimin khan Australian veteran Christopher O'Connell chu 4–6, 7–6(7), 6–7(3), 6–2, 6–3 in an hneh.

Basavareddy hian AO khel tur hian qualifier-ah match thum a khel tawh a, first round-a hnehna chang tur pawhin darkar li chuang hret a mamawh. Khawtual player O'Connell hian set a lak hmasak zawk bakah 2-1 in hmahruai hman mah se Basavareddy hian a lehthal.

Tunah hian Basavareddy hi world ranking-ah 239-na a ni mek a, first round-a hnehna a chan avangin top 150-ah a inhlangkai ang. Tun hnai khan Daniil Medvedev coach ṭhin Gilles Cervara chu coach atan a la a, hma a sawn pha hle.