Warriors forward Butler a inhliam

Golden State Warriors chuan nimin zing khan NBA regular season match-ah Miami Heat 135-112 in an hneh a, Warriors hi chak mah se forward Jimmy Butler inhliam vangin an lawm a kim lo.

Chase Center, San Francisco a inkhelah hian Third quarter-ah Butler hian Davion Mitchell nen ball an inchuhna lamah a ṭum sual a, a khup (ACL)-ah hliam tuarin a khelh chhunzawm thei lo. Butler-a hliam hi MRI exam neih a ni dawn a, thuchhuah la siam lo mah se tun season-ah a khelh a rinawm tawh loh.

Warriors tan Stephen Curry a langsar a, NBA All Star-a thlan hlim Curry hian point 19 leh assists 11 a nei a , Brandin Podziemski point 24 a nei a, Buddy Hield-a'n point 16 a nei bawk. Miami Heat tan Golden State Warriors player hlui Andrew Wiggins chuan point 18 nei mah se a team chakpui nan a tawk lo.

Warriors tan Draymond Green a inlan lo a, Green hian a ke rek hliam vangin a la khel lo a, Thawhlehnia Toronto Raptors nen an inhmachhawn hunah a lo kir beisei a ni.