Monfils-a'n Australian Open a thlah

Gael Monfils chuan Australian Open first round-ah nimin khan Dane Sweeny 6-7(3), 7-5, 6-4, 7-5 in an hneh lo a, tun season zawhah a chawlh dawn avangin tun ṭumin AO match hnuhnung ber a ni.

French player Monfils chuan, "Kum 2003 khan a vawi khat nan Australian Open ka khel a, nangni ho nen hian bul kan ṭan ho. Tunah chuan kum 2026 a ni tawh a, a tawp ka khar a ṭul ta. Nangni zarah hun hlimawm tak ka tawng a, ka lawm takzet," tiin Australian Open a thlah.

Kum 39 mi Monfils hi AO entu mipuiin standing ovation an pe a, ṭum 20 zet AO-a a inlan avangin a chunga zahna lantir pawh hi a phu a ni. Monfils hian an ramah hun a tawp a khar rin a ni a, kumin June thlaa Roland Garros-a a inlan hunah chuan lawm a hlawh lehzual ang.