Alcaraz a chak nuam sa

Australian Open mipa singles-ah seeded no. 1 Carlos Alcaraz chuan second round-ah Yannick Hanfmann 7-6 (7-4), 6-3, 6-2 in a hneh a, third round a lut.

Alcaraz hian first round-ah Adam Walton chu 6-3, 7-6, 6-2 in a hneh tawh a, German tennis player Hanfmann nen hian first set-ah inbei tawk viau mah se a hnu lamah erawh a chungnung.

Spanish tennis player hian hnehna chang turin darkar hnih leh minute 45 a mamawh a, ace vawi 12 vaw chhuakin 'winner' vawi 41 zet a nei bawk. Alcaraz hian third round-ah Michael Zheng hnehtu Coretin Moutet a hmachhawn ang.

Kum 22 mi Alcaraz hi French Open, Wimbledon leh US Open-ah te a champion tawh a, Australian Open chiah a hmabak tawh a, Career Grand Slam naupang ber record siam thei dinhmunah a ding.

Tun hnaia tennis player langsarah chuan Novak Djokovic, Rafael Nadal, leh Roger Federer ten career grand slam an nei thei a ni.