Gauff-i'n third round a lut

Australian Open hmeichhe singles-ah seeded no. 3 Coco Gauff chuan nimin khan Olga Danilović chu 6-2, 6-2 in an hneh. Margaret Court Arena-ah Gauff hian chak turin minute 78 chiah a mamawh.

Gauff hian set hmasa berah hian 5-0 in hma a hruai hman a, set hnihnaah pawh 3-0 a hma hruaiin a chungnung hle. American tennis star hian first round-ah Kamilla Rakhimov chu 6-2, 6-3 in an hneh tawh bawk.

Third round-ah Gauff hian a hnampui Hailey Baptiste a hmachhawn dawn a; January 23, Zirtawpniah an inkhel ang. Baptiste hian nimin khan khawtual nula Storm Hunter chu 6-2, 6-1 in a hneh.

Gauf hian Australian Open third round vawi nga a thlenna a ni a, nomawi duhin a tuihal tih a lang. Kum 21 mi hian French Open leh US Open-ah a champion tawh a, Australian Open-a a thlensan ber chu kum 2024 kha niin semifinal a thleng.