Man City squad-in ticket refund

Manchester City-in Thawhlehni khan Champions League-ah Bodo/Glimt 3-1 in an hneh lo a, Pep Guardiola hote tan mualphona a ni. City squad-in anmahni ṭan tura Norway-a zin mi 374 te chu an ticket man an pe kir (refund) sak dawn.

Bodo/Glimt khelmuala inkhel en man hi £25(Rs 3078.47) a ni a, City ṭantu zawng zawng inkhel en man hi £9,357 (Rs 11,52,209.75) niin City player-ten an pawisa thawhkhawmin an rul ang. Player aiawhin Bernardo Silva, Ruben Dias, Rodri leh Erling Haaland te ṭawng chhuakin, "Kan tan chuan min ṭantute hi an pawimawh em em a, min ṭan tura khawvel hmun hrang hranga zin tur hian inpek a ngai hle. Bodo khawvawt hnuaia min rawn ṭawiawmna hi kan ngai hlu a, an ticket tum sak hi kan tih theih tawh a ni," tiin an sawi.

City tan Bodo/Glimt hneh loh hi mualphona a ni a, Haaland chuan, "A zahthlak kan ti a, ngaihdam kan dil takzet. Bodo kha an khel ṭha a, chak an phu. Min ngaidam ru tih bak sawi tur kan nei lo," tiin a sawi.