PSV sawptu Newcastle tan beiseina

Nilai zan Champions League inkhelah Newcastle United chuan an mikhual PSV Eindhoven 3-0 in an hneh a, Newcastle tan Yoane Wissa, Anthony Gordon leh Harvey Barnes ten goal an khung.

Magpies hi table-ah pasarihnaah chhoin point 13 an hmu a, group match tawp bera Paris Saint-Germain nen an result a zirin playoff khelh ngai loin last 16 an lut thei.

St James' Park a inkhelah Newcastle forward Yoane Wissa-a'n minute riatna lekah goal khungin a team hma a hruaipui a, minute 30-naah Wissa bawk kan hmu nawn.

DR Congo international hian PSV defender Yarek Gasiorowski tihsual nangchingin Anthony Gordon tan a pe a, goal ruakah Gordon-a'n a khung - a team hmahruaina a belhchhah. English forward Gordon hian tun season Champions League-ah goal ruk a khung tawh.

Second half ah pawh Magpies an chungnung zawk a, minute 65-naah Harvey Barnes-a'n goal ṭha tak a khung leh a, harsatna nei loin Newcastle an chak.

Magpies tan last 16 luh beiseina a san laiin, PSV erawh point riat nen 22-naah an awm a, tla thei dinhmunah an ding - an match tawp berah Bayern Munich an la tum dawn zui!