Lakers ngam loh Kawhi Leonard

Nimin zing NBA inkhelah Los Angeles Lakers chuan Los Angeles Clippers chu 112-104 in an hneh lo a, Luka Doncic chuan point 32, assist pariat leh rebound 11 nei mah se Clippers hneh nan a tawk lo.

Intuit Dome, Inglewood-a inkhelah hian Slovenian point guard Doncic bakah veteran forward LeBron James chuan point 23 leh assist panga a nei ve bawk. A langsar ber erawh Clippers forward Kawhi Leonard a ni, Leonard hian point 24, assist pali leh rebound panga a nei a, defence lamah dan pangngaiin a ṭangkai thei hle.

Leonard bakah hian Clippers player paruk ngawtin point 10 an score tling a, Lakers tan Doncic leh James tih lohah Rui Hachimura(12) leh Marcus Smart(10) te chiah point 10 score tling an awm.

Lakers tan Austin Reaves chu a la inlan thei lo zel a, American point guard hi Lakers coach JJ Redick chuan a lo let vat a beisei thu a sawi.

Western Conference-ah Lakers hi table-ah paruknaah awmin playoff khelh an tum zel a, Pathianni zing dar 7:00 hian Luka Doncic-a team hlui Dallas Mavericks an hmachhawn leh dawn.