Champion tum ngam Roma leh Milan intawng dawn

Tun season Serie-A kal meka champion tum ngam zinga mi AS Roma chuan AC Milan an mikhual dawn a, team pahnihte hi point li chauha an inthlauh avangin inkhel boruak a sang dawn.

Mualneitu Roma tan inhliam vangin defender Mario Hermoso leh Angelino te an khel thei dawn lo a, forward Stephan El Shaarawy leh Artem Dovbyk te an khel thei dawn lo bawk.

Chutihrualin Roma tan Gianluca Mancini leh Evan N'Dicka te tlarhnung lamah an khel ṭha ṭhin a, tlarhma lamah Aston Villa aṭanga an hawh Donyell Malen chuan goal khung nghalin a inringtawk ang tih a chiang a, Malen thlawp turin Paulo Dybala leh Lorenzo Pellegrini te an awm dawn bawk avangin hlauthawng tur an ni lo.

Mikhual team Milan erawh Alexis Saelemaekers leh Santiago Gimenez te an inhliam tih loh chu an dam kim thawkhat a, Portuguese forward Rafael Leao leh American forward Christian Pulisic te chhu an innghahna a ni leh dawn a, West Ham aṭanga an hawh Niclas Fullkrug a awm bawk. Fullkrug hian match hnuhnung berah chakna goal a khung a, Roma lakah pawh khung a duh dawn.