MiCA-in Mizoram aiawh tur thlang

22nd National Mountain Bike Championship chu February 12-15, 2026 chhung hian Roing, Arunachal Pradesh-ah neih a ni dawn a, February 24, Inrinni zingkar khan Mualpuiah Mualpuiah Mizoram aiawh tur thlanna neih a ni.

Selection trial hi Cycling Federation of India (CFI) bul tumin, Mizoram Olympic Association kaihhruaina hnuaiah Mizoram Cycling Association-in (MiCA) a buatsaih a; CFI aiawhin commissaire Pappu Gogoi a rawn kal. Pappu hi National Centre of Excellence, Guwahati-ah technician leh coach hna chelh lai a ni.

India rama Mountain Bike intlansiak ngaihhlut ber, National MTB Championship-ah hian inelna chi hnih Cross Country Olympic (XCO) leh Downhill Race (DH) a awm a, MiCA pawhin inelna hi ngai pawimawhin kum bithliah hrang hrangah inelna hi an hmachhawn ang.

Mizoram aiawha tel tur thlanna a tel thei tur hian Mizoram XCO 2025-a category hrang hranga ti ṭha te chhawpchhuah an ni a, final selection an thlen hmain thlitfim leh an ni. Downhill race-a Mizoram aiawh thei tur hian Mizoram Downhill Challenge 2025 leh RedBull Tlangruama ti ṭha te koh an ni thung.