India-in New Zealand an hneh

India leh New Zealand ten T20 series an khel mek a, Zirtawpni zan khan Raipur-ah match hnihna khelin wicket sarihin hnehna an chang. Men in Blue hian 2-0 in hma an hruai mek a, nizan khan Guwahati-ah match thumna khelh a ni.

Assam Cricket Association Stadium, Barsapara-a inkhel en tur hian Cricket Association tirhin CAM hruaitute, club leh media aiawhte an kal a, nizan inkhel result erawh kan hre hman lo.

India leh Sri Lanka-in thla thar hian 2026 Men's T20 World Cup an thleng dawn a, February 7 - March 8, 2026 chhungin khelh a ni dawn. Inelna thlengtu India hi champion lai an nih bakah champion rinkai an ni.