Doncic-a'n Mavs lakah Lakers chakpui

NBA regular season khelh mekah Los Angeles Lakers chuan nimin zing khan Dallas Mavericks chu 116-110 in an hneh a, Luka Doncic chuan point 33, assist 11 leh rebound vawi riat neiin triple double a siam teuh hle a, inkhel zingah langsar berin a team hlui a ngam hle .

American Airlines Center, Dallas-a inkhelah team pahnihte an inhnehtawk avangin inkhel a hmunawm a, Lakers tan Doncic bakah Lebron James leh Rui Hachimuira ten point 17 ve ve an nei a, Jake LaRavia leh Marcus Smart ten point 13 neiin Lakers chak nan an thawhhlawk hle.

Mavericks tan point 20 score tling pathum Naji Marshall (24), Max Christie (24) leh Brandon Williams (20) awm mah se an vanneih zan a nih loh avangin Lakers hneh nan a tawk zo lo.

Lakers hi Western Conference table-ah panganaah awmin playoff khelh an tum mek a, Mavericks erawh 12-naah awmin, playoff khel lo thei dinhmunah an ding mek.