A chung berah Lens lehpeltu PSG

Inrinni zan Ligue 1 inkhelah Paris Saint Germain chuan Auxerre chu khualmualah Bradley Barcola goal hmangin 1-0 in an hneh a, table hmahruaitu RC Lens an chak loh avangin pakhatnaah an chho.

Stade de I'Abbe-Deschamps-a inkhelah mikhual team PSG-in ball an chang tam zawk a, goal thun tur erawhin an nghah rei a ngai thung. PSG tan Portuguese forward Goncalo Ramos leh Georgian forward Khvicha Kvaratskhelia te goal hmaah an hriam tawk lo a, inkhel thuhun tak chungin PSG-in goal an khung thei lo.

Goal lut loa inkhel a tawp mai dawna a lan laiin Bradley Barcola a lo lang a, French forward Barcola hian a ball hmuh ṭha tak chu keeper chauh a hmachhawn hnuah cool takin a khung a, PSG chak nan a tawk.

Luis Enrique naute hian point 45 hmuin table-ah pakhatnaah an chho ta a, khelh inangah an elpui Lens aiin point hnihin an sang zawk. Lens hian Inrinni zan vek khan khualmualah Marseille chu 3-1 in an hneh lo.