Sinner-a'n quarterfinal lut

World no. 2 Jannik Sinner chuan Australian Open quarterfinal a lut ve leh ta a, Melbourne khaw lum tak karah Luciano Darderi chu 6-1, 6-3, 7-6 (7-2) in a hneh.

Australian Open-a vawi hnih lo champion tawh Sinner hian third round-a Eliot Spizzirri a hmachhawn ṭumin, khawlum lutuk avangin harsatna a lo tawk tawh a, niminah erawh harsatna a tawk ta lo.

Sinner chuan, "A nihna takah chuan a la harsa em em reng mai. Ka hneh tak Darderi nen hian khelmual pawn lamah chuan ṭhian ṭha tak kan ni," a ti a, a Italian pui a hneh tak a thlah.

Kum 24 mi Sinner chuan sawi zawmin, "Set thumnaah kha chuan ka chau tawh takzet a, set dang khelh ngai loa ka khar fel thei kha ka lawm hle," a ti a, hnehna chang turin Sinner hian darkar hnih leh minute kua a mamawh.