Djokovic hmachhawn tur Musetti

Lorenzo Musetti chuan Autralian Open quarterfinal-ah tennis player ropui Novak Djokovic a hmachhawn dawn a, Serbian star hmachhawn tur hian nimin khan Taylor Fritz chu 6-2 7-5 6-4 in a hneh.

Kum 23 mi Musetti hian Grand Slam nomawi a la chawi ngai lo a, mahse, French Open leh Wimbledon-ah semifinal thleng tawhin, US Open-ah quarterfinal a lut tawh bawk a, player hmabak nei êng a ni.

Grand Slam 24 la tawhtu Djokovic a tawng leh dawn a, a kawng a harsa dawn - Serbian star pawh hi niminah khan inlan tur a ni a, mahse, a khingpui tur Jakub Mensik a inhliam avangin, inkhelh chauh ngai loin quarterfinal a lut.

Musetti chuan, "Novak nen hian vawi tam kan lo intawng tawh a, kan intawn apiangin zir belh tur ka nei ṭhin. Vawiinah inkhelh chauh ngai loin quarterfinal a lut a, hahdamna hun a nei thei.

"Kei erawh inkhel mah ila, vawiina ka tih ṭhat hi quarterfinal-ah ka chhawm theih ka beisei a, Djokovic pawh theihtawp chhuah lo thei loa siam ka tum," a ti a, kum 38 mi Djokovic hneh a tum hle - Nilainiah an intawng ang.