Swiatek-i'n quarterfinal lut

World no. 2 Iga Swiatek chuan kut ruaka Australian Open thlah a tum lo tih pholangin, quarterfinal a inhlapkai ve leh ta a, Polish nula hian Maddison Inglis chu nimin khan 6-0, 6-3 in a hneh.

Swiatek hi a chak satliah lo a, record a siam tel - Grand Slam quarterfinal vawi 14 a luhna hi Grand Slam-a quarterfinal a zawna vawi ruk a inhlapkaina a ni a, hetiang tithei naupang ber a ni.

Kum 24 mi Swiatek hian Grand Slam paruk la tawhin, French Open (4), Wimbledon (1) leh US Open (1) ah te a champion tawh a, Australian Open-ah erawh a la champion ngai lo!

Kum 2022 leh 2025 khan semifinal a lut a, kuminah chuan nomawi nen ngeia haw a tum dawn - qiarterfinal-ah hian world no. 5 Elena Rybakina nen an intawng dawn a, a awlsam lo ang.