Flamengo-in Paqueta an dawr nawn

Brazilian club Flamengo chuan West Ham midfielder Lucas Paqueta chu pound maktaduai 35.5-in an dawr leh a, Flamengo hian Paqueta hi thlasik transfer laia lakluh an tum hle.

January tir lamah khan Paqueta hian West Ham chhuahsan a duh thu a lo sawi tawh a, Flamengo lo lang nghalin Brazilian midfielder hi lakluh ngei an duh a, Paqueta pawh hian Flamengo a zawm hreh lo nia sawi a awm bawk.

West Ham hian Paqueta hi a man phu tawka dawrtu an awm chuan chhuahtir an hreh lo a, mahse Flamengo-ah a lut a nih chuan season tawp thleng loan-a Hammers tan khel leh turin an inremna siam an duh thung.

West Ham hi tun season-ah an che ṭha lo hle a, Premier League table-ah 18-naah awmin relegate thei dinhmunah an ding mek. Chutihrualin league match hnuhnung pahnihah an chak ve ve a, match pahnihah hian Paqueta a tel lo.