Mizoram Police an chak

BN Mullick Memorial All India Police Football Tournament-ah Mizoram chuan nimin khan F. Lalrinpuia goal hmangin RPF 1-0 in an hneh a, an match hmasa berah Odhisa 3-1 in an hneh tawh bawk.

Odhisa an hneh ṭum hian Mizo team tan Lalbiakhlua'n (Biaktea) goal hnih khungin Malsawmfela'n goal khat a khung ve bawk. Mizoram Police hian November 12 hian Bihar an la hmachhawn dawn nachungin hmahruaitu an ni chiang tawh. Police-in an hneh tawh Odhisa leh RPF te hian Bihar hi 5-0 leh 4-0 in an sawp.

MPL8-ah Mizoram Police hi league round-ah pahnihna an ni a, Police Meet an khelh tak avangin semifinal-ah an inlan thei lo.