Republic Day hockey-ah Bazar SC an champion

Republic Day vawi 77-na lawmna pualin Hnahthial District Hockey Association ten Senior Men’s Hockey Tournament an buatsaih a, final-ah Bazar Sporting Club-in Kanaan GSA 3-0 a hnehin an champion. Inelna hi January 20-26, 2026 chhung khan Hnathial bazar ground a ni a, hockey ngainatna hmun Hnahthialah hian synthetic hockey turf phah a ni dawn.

Final-ah hian Bazar SC tan P. Lalnuntluanga'n goal hmahruai a khung hnuah Laldinthara’n goal hnih a khung a, Kanaan GSA-in a chhanletna an nei lo. Champion zawnnaah hian Hnahthial District SDC R. Vanlalruata chu khuallian a ni a, Aizawl District Hockey Association president Lalrampari bakah hockey coach Lalroṭhuami leh R. Lalnunsanga ten a hmunah an chhim bawk.