Champion lai Chennai chak lo

Nimin khan I League match hnih khelh a ni a, champion lai Chennai City chuan khualmualah Punjab FC 3-1 in an hneh lo. Inkhel dangah East Bengal-in Khuman Lampak Main Stadium an luhchhuaha, Neroca 4-1 in an hneh.

Guru Nanak Stadium-ah goal li ngawt a lut nachungin goal hmasa ber hi minute 79-naah a lut chauh. Shillong Lajong leh Mohun Bagan forward hlui Aser Pierrick Dipanda Dicka-a'n Punjab FC tan minute 79-naah a khung. Chennai City-in Pedro Javier hmangin minute 85-naah sut mah se mualneitu Punjab FC hi  Sergio Barboza Junior leh Moirangthem Thoiba Singh te goal hmangin an chak ta tho.

Inkhel dangah Kolkata club East Bengal hian an mach hmasa pahnihah Real Kashmir leh Punjab FC nen inhnehtawk mah se Manipur lakah harhtharhna an chang a, inkhel thunun chungin hnena an chang. Red and Gold tan hian Jaime Santos Colado-a'n goal hnih khungin Juan Mera Gonzalez leh Marcos ten goal khat ve ve an khung bawk.