Al Nassr champion beiseina a la nung

Saudi Pro League-ah Al Nassr chuan Thawhṭanni zan khan Al Taawoun 1-0 in an hneh a, hmahruaitu Al Hilal leh Al Riyadh te 1-1 in an inhnehtawk. Cristiano Ronaldo telna team Al Nassr hian match 17 aṭangin pint 40 an hmu a, Al Hilal hi point ngain an pha lo.

Al Awwal Park-ah Ronaldo-a'n minute 90 chhung khel mah se goal a khung lo a, goal awmchhun hi minute 45-naah Taawoun defender Mohammed Al Dossari-a'n an lamah a ti goal.

Saudi Pro League-ah hian team 18 an awm a, match 34 khelh tur a awm. Tunah hian khelh tur zat chanve an khel chiah a, Al Nassr tan champion theihna kawng a la inhawng zau hle.

Al Nassr hian January 30, Zirtawpni zanah Al Kholood an hmachhawn dawn , Al Hilal hian January 29, Ningani zanah Al Qadisiyah an tlawh tlawh thung ang.