An ramah Andreescu an chawimawi

Bianca Andreescu chu Canada rama infiammi ṭha berte hnena an hlan ṭhin Lou Marsh Trophy pek a ni a, he chawimawina dawng tur hian season liam ta khan US Open-ah a champion a ni.

Canadian tleirawl hian an ram hmeichhia ten an la tih theih ngai loh chu a ti a, tennis inelna lian Grand Slam champion hmasa ber ni tur hian Serena Williams chu a hneh; world ranking lamah pawh palina dinhmun a luah phak hial.

Kum 19 mi Andreescu chuan, "He chawimawina hi tennis player hnena hlan a nih hi ka ring ngai lo, tunah erawh ka infiama ngainat ber hmangin kan ramah ngei chawimawina ka dawng ta," a ti.

Season tirah kan world number 152 ni mah se nasa takin hma a sawn a, US Open bakah Indian Wells WTA leh Rogers Cup-ah te hlawhtlinna a chang, tun dinhmunah world number 5 a ni. Tun season chhung ringawt hian Rs nuai 4,610 chuang a vaw chhuak hman hial.