AFC Awards dawngtu AIFF

Ningani zan khan All India Football Federation (AIFF) chuan Asian Football Confederation (AFC) Annual FC Awards 2016-ah football ṭhan zelna kawnga an hnathawh ṭhat avangin AFC Developing Member Association of the Year award an dawng.

Abu Dhabi khawpuia award dawngtu AIFF president Praful Patel chuan, "AFC-in kan hnathawh ṭhat min hriat sak hi kan lawm em em a, Indian football chu kawng dik zawhin a kal mek a ni," a ti.

AFC Developing Member Association of the Year award hi AFC hnuaia ram ten course leh seminar an huaihawt dan, inelna an kalpui dan, grassroots leh youth development an kalpui dan aṭanga teh a ni.