Semifinal-ah Chanmarians

Mahuma Memorial Cricket Tournament khelh mekah nimin khan Chanmarians Cricket Club chuan wicket riatin Chaltlang an hneh a, semifinal an lut chiang tawh. Chaltlang erawh relegate lo tur chuan mi-dang result-a an in-nghah a ṭul tawh thung. Chaltlang tan captain Lalhruaimawia Ralte (50 runs) che ṭha mah se a ṭhianten an thlawp ṭha tawk lo a, over 33.4-ah run 101 bak an tlin lo.

Chanmarians tan opening batsman Lalhruaizela'n ball 12-a run 32 vaw chhuaka bul a ṭan ṭhat avangin a ṭhiante tan hna harsa a awm tawh lo a, over 14.1-ah wicket hnih chiah hloha an target umphain Chanmarians hian awlsam takin hnehna an chang a ni. Vawiin chawhma dar 9:15 hian Luangmual leh Ramhlun Venglai an inhmachhawn
ve leh ang.