Ka pa khan min chhuang ang - Mkhitaryan

EFL quarterfinal-ah Manchester United-in West Ham 4-1 an hneh a, hemi ṭuma man of the match Henrikh Mkhi-taryan chuan, "Old Trafford hi football pitch satliah lo a ni a, stage a ni. He stage-a ka chetla thei hi ka pa khan min hmu se chuan min chhuang khawp ang," tiin a sawi.

Mkhitaryan-a pa Hamlet Mkhitaryan hi Armenia ramah chuan player langsar ni pha a ni a, kum 33 leka upa ni-in cancer vangin a thi. United midfielder chuan a pa hi la dam se lawyer emaw doctor a nih a rin thu a sawi a, amaherawhchu a tih takah a chuan a mi ngaihsan ber hnung zui a thlan thu a sawi tel bawk.

United hian Pathianni zan dar 9:30 hian Goodi-son Park-ah Everon an hmachhawn ang.