Anthony Joshua a inpuang

Pathianni zinga Andy Ruiz Jr. hnehtu Anthony Joshua a inpuang a, British boxer hian an inhnek hmasak zawka Andy a hneh loh ṭum khan inhnek hmain a hriselna lamah harsatna a neih thu a sawi. 

AJ chuan, "Andy nen kan inhmachhawn hmasak hma khan ka hriselna lamah harsatna ka tawk a, keimah lamah enge dik lo awm ka hre lo. Mahse, ka chauin ka zawi em em ṭhin a, ka training nasat vangah te ka ngai hial a ni. 

"Fight kan neih hma khan inthlakna pindanah, bucket-ah vur nen tui vawt tak ka dah a, ka lu chu zuk chiah chungin eng vanga chau em em nge ka nih chu ka ngaihtuah nasa a ni," a ti. 

Ruiz a hneh leh tak avanga WBA, IBF leh WBO heavyweight title nei lettu boxer chuan, "World champion nih chuan harsatna tam tak a awm a, tih tur leh tih loh tur tam tak khan minti chau a ni. "Tunah erawh ka chak thar leh ta a, harsatna ka nei lo," a ti - AJ hi Ruiz nen an inhnek avang khan pound maktaduai 50 vel tal chu hlawh tura ngaih a ni a, Ruiz hi pound maktaduai 10 tal hnek chhuakah ngaih a ni thung.