Muaythai-ah Mizo fighter-te an che ṭha

United Muaythai Association of India (UMAI) buatsaih 7th Senior National Championship 2026-ah Mizoram team-in result ṭha tak an nei a, gold panga, silver pathum leh bronze pali an la.

Championship hi Hyderabad, Telangana-ah January 22-25, 2026 khan neih a ni a, state 26 aṭangin mi 355-in inelna hi an hmachhawn. Mizoramin player 11 an tir a, manager Vanlalhmuaka, assistant manager Liansangpuii leh coach Lalchhuanawma ten an ho a ni.

Mizoram Muaythai team hi June thlaa Vietnam-a neih tur Invitation Wall Championship-ah an tel leh dawn a, he inelna atan hian inbuatsaihna an nei leh nghal. National C'ship-a gold medalist-te hi Moscow-a neih tur Senior Championship-ah India ram ai an awh dawn a, Meghalaya-a neih tur 2027 Senior National C'ship khel turin an tling nghal bawk.