MFA Cup fixture an pawt

MFA Cup vawi 24-na chu February 17, 2026 hian C. Ṭhuamluaia Mual, Lungleiah khelh a ni dawn. January 27, Thawhlehni zan khan fixture pawh a ni a, inelna hmachhawn tur club 12-te awmna tur group tihfel a ni.

Inelna hi kum 1999 ṭanga khelh ṭan an ni a, kumin hi vawi 24-na tur a ni. Tun ṭum inelnaa hian district 11 aṭangin club 12 an tel dawn a, inelna thlengtu Lunglei DFA-in club pahnih an thawh dawn.

Nikum khan Kolasib club Electric Veng FC chuan final-ah Thangzuala Mem FC, Thenzawl 1-0 a hnehin an champion. Kumin inelnaah hian champion lai Electric Veng FC an tel thei dawn a, Kolasih ai an rawn awh leh dawn. Lunglei aṭanga team hnih tel tur hi Lunglawn FC leh Ramthar FC te an ni ang.

Kum 2013 khan MPL club Chanmari FC an champion a, hemi hnu hian MPL club khelh phal a ni tawh lo a, District DFA tinin aiawh team khat ṭheuh an thawh ṭhin thung. Season liam ta khan MPL 11 khel tur MLS FC an tel a, semifinal-ah Thangzuala Memorial FC hneh loin an tla.