Leipzig an sang tual tual

Bundesliga kai thar RB Leipzig chuan Ger-man-a club football inelna sang berah hma an hruai chhunzawm zel. Leipzig hian Timo Werner leh Sead Kolasinac-a own goal hmangin Schalke 2-0 in an hneh - Leipzig mumang a la tawp lo!

Champion lai Bayern Munich tan hliam dam hlim Arjen Robben chuan Mainz 3-1 a an hnehna goal a khung. Dutch international hian a club tana a league match 150-naah hian goal a khung bakah Robert Lewandowski goal khung pahnih zinga pakhat zawk a siamsak bawk.

Inkhel dangah Borussia Dortmund tan Marco Reus-a'n tun season-a a lea-gue match hmasa ber a khel a, Borussia Mon-chengladbach 4-1 a an hnehna inkhelah hian Pierre-Emerick Aubameyang-a'n goal hnih a khung bakah defender Lukasz Piszczek leh forward Ousmane Dembele ten goal khat ve ve an khung bawk.