Ramhlun Venglai an chak

Mahuma Memorial Cricket Tournament khelh mekah Inrinni khan Ramhlun Venglai chuan run 27-in Luangmual an hneh. RVL hian wicket li latu Luangmual bowler Lalruatsaka an ngam loh avangin over 23.4 ah run 83 chiah siamin an out vek. Luangmual tan awlsam taka chak theih tur nia a lan laiin RVL bowler Robert Lal-famkima leh Joel Lal-hmangaiha ten wicket thum ve ve an lak avangin over 19.5-ah run 56 chiah siamin an out vek a, a tlawm zawkah an ṭang. Vawiin chawhma dar 9:15-ah hian Chhinga Veng leh Zarkawt Lords an inhmachhawn ve leh ang.