PSG hneh thei Montpellier

Paris St-Germain chuan French Ligue 1 hmahruaitu nih theihna hun ṭha an neih an chhawr ṭangkai thei lo - Inrinni zan khan Montpellier lakah 3-0 in an tlawm. Point 35 hmuin league table-ah pathumna an awm.

Kum 2010 May thla thla hnua a vawi khat nan Montpellier hian PSG an hneh ve ta a, champion lai an hneh theih nan hian Paul Lasne, Ellyes Skhiri leh Ryad Boudebouz ten goal khat ṭheuh an khung.

Unai Emery hian Marco Verratti, Adrien Rabiot leh Thiago Motta te khelhtir lo mah se Edinson Cavani, Angel di Maria leh Lucas Moura ten in-khel bul an ṭan tho a, goal zawnah vawi thum chiah an pet a, goal an khung lo.