ISL-ah goal lut lo

Zirtawpni zan Indian Super League inkhelah semifinal lut chiang tawh Atletico de Kolkata-in beisei tur nei tawh lo Pune City an mikhual a, goal khung loin an inhnehtawk. ATK coach Molina- a lo sawi lawk tawh angin player ṭha a awltir a, Mizo tlangval Lalrindika Ralte leh Robert Lalthlamuana te hmel hmuh tur a awm lo. Inrinni zan inkhelah pawh goal a lut chuang lo a, semifinal lut tawh Mumbai City leh Delhi Dynamos an inhnehtawk. Mumbai tan Sena Ralte chuan inkhel bul ṭanin Delhi tan Malsawmzuala a inlan bawk. Nizan khan Kerala Blasters leh NorthEast United inhmachhawnin league round khelh zawh a ni a, an result kan hre hman lo.