I League U18 MC-ah Lalrawngbawla Kawlni

Mizo zinga national match com-missioner awmchhun Lalrawng-bawla Kawlni chu Mizo zinga national foot-ball-a match commissioner a ni.

Bungkawn Veng pachal Bawla hian nimina I League Under 18-a SAI Guwahati leh Gauhati Town Club te Nehru Stadium, Guwahati-a an inkhelh
ṭumin MC hna hi a vawi khat nan a chelh.

Vawiin tlai dar 1:00 hian Polo Ground, Shillong-ah Lajong leh Rangdajied United te an inkhel dawn a, Bawla hian MC hna a chelh chhunzawm lehnghal ang. Heng match hnih bakah hian kumin bikah match li dang kaihhruai tur a la nei bawk.

Mizo zinga national MC awmchhun Bawla chuan, "Kum bithliah inelna a ni a, stadium-ah mipui an tam lo. Chutihrualin AIFF hnuaia inelna a nih miau avangin a awlsam lo. Dan hriatchian a ngai a, internet hmanga engkim record a nih tawh avangin darkar hnih chhungin engkim Delhi lamah thawn thlak vek a ngai bawk. Kuminah ṭum ruk MC hna ka chelh dawn a, ṭawngṭaipuina ka mamawh takzet a ni," tiin Vanglaini palai a hrilh.