Manager ṭha rual chungah Thomas Frank

Tottenham Hotspur ṭantuten an manager Thomas Frank ban hun nghakhlel viau mah se Europe lamah erawh London club hi manager ṭha rual Luis Enrique, Hansi Flick, Pep Guardiola, Diego Simeone, Antonio Conte leh Jose Mourinho te team enkawl chungah an awm.

Spurs hian Nilaini zan khan Deutsche Bank Park-ah Eintracht Frankfurt chu second half-a Randal Kolo Muani (47') leh Dominic Solanke (77') te goal hmangin 2-0 in an hneh. London club hian match riatah point 17 hmuin palinaah an awm a, an chungah Arsenal, Bayern Munich leh Liverpool te chauh an awm.

Tun season Champions League-ah Premier League club an che ṭha a, team paruk aṭangin team panga Arsenal, Liverpool, Tottenham, Chelsea leh Man City te a sang pariatah an tel. Newcaste United erawhin last 16 lut nghal lo mah se 12-naah awmin seeded nichungin knockout playoff an khel dawn.